Şaxa Partiya Ebdulla «PKK’ê» li Kurdistana Sûriyê – «7»

pyd-pkk-rojava-7
  • Mahir Hesen

Pirsgirêka bingehîn ev e ku mirov siyastê li gorî xwe û bêyî bandora wê bibîne bide meşandin? Gotina Bakur-Rojhilatê Sûriyê têra ravekirina rastiya Kurdistana Sûriyê nake û ev peyvên biyanî bi gelemperî dibin sedema lewaz, bêhêvîbûn û têkçûna Kurdan û bi gotineke zelal, mirov dikare rastiya Kurdistana Sûriyê – wekî beşek ji desthilatdariya dewleta Sûriyê pênase bike.

Lê gelo ji bo ku PKKe Kurdistanê bi nav û deng bike bê îmkana fikir û têgihiştinê ev polîtîka meşand? Pêwîste ev cudahî di nêvbera têgeh û cewhera navên weke “Rojava, Bakur – Rojhilatê Sûriyê, Hêzên Sûriyeya Demokratîk” de bê kirin, her wiha şirovekirin û têgihîştina rastiya Kurdistana Sûriyê ji hev bên cudakirin, yak u PKKê îro li Kurdistana Sûriyê dike eve: navê wê êdî kiriye Rojava bê ku ti wateya gotina Rojava jî hebe.

Dema em dibêjin Kurdistana Sûriyê tê wateya ku parçeyek ji Kurdistana me dewleta Sûriyê dagîrker kiriye.

Li gel niyeta têgeha Bakur – Rojhilatê Sûriyê, Ne mumkine ku bigihêjin mafên rewa, PKKe ku li gorî hin berjewendiyan tevdigere, wê ji bo lihevkirin û razîbûna pêkhateyan, gund û zeviyên niştecih û çandiniyê li herêmên Kurdistana Sûriyê, desteser kirin û navê wan kirine Bakur û Rojhilatê Sûriyê û Eşîrên Ereban weke beşekî pîlana guhertina demografî û ji bo bidawîkirina mafê Kurdan parastin.

Rastiya ku nayê guhertin eve: PKKê zêdetir ji 11 hezar şehîdan di bin dirûşmeyên Kurdayetîyê de ji bo pejirandina yasayî û destûrî a vê siyaseta xwe pêşkêş kirin, piştre PKKê navê devera me guhart û gotina Kurdistan êdî nema tê bi karanîn.

Peyvên PKKê «Bakurê Rojhilatê Sûriyê» – têgihîştinekî derewîn çêdike, ku pejirandina hebûna Kurdistana Sûriyê zehmet dike û bi vî awayî bandorê li reftarên Rejîma Sûriyê dike.

Kurdistana Sûriyê êdî kirine Rojava û doza Kurdî êdî tam nediyare û kes jî nikare bişopîne kanê Kurd xwedî mafin yan na.

Ew ji perspektîfa hin alîgir û piştgirên PKKê ye ku dibêjin çi nîne ku em bêjin Bakurê Rojhilatê Sûriyê an jî peyva Rojava bi karbînin ji ber ku siyaseta PKKê pîroz e, lê ew nizanin ku siyaseta PKKê bi xeyalên tarî, êş, tirs û nezelaliyê ve girêdayî ye, ew bi hêrsbûneke domdar her tiştî li ser hesabê hestên birîndar û hebûna Kurdên Rojava Kurdistanê dike.

  • Ev Gotar taybete bo Darka Mazi

Pustên heman beş