Li bajarê Qamişloyê yê Rojavayê Kurdistanê keçeke din a 15 salî ji hêla çeteyên rêxistina PKKê yên bi navê Ciwanên Şoreşger hat revandin û dayîka wê jî bang li Mezlûm Ebdî.
Çeteyên Ciwanên Şoreşger rêxistineke ser bi PKKê ve ye, karê wê revandina zarokên Kurdane li Rojava Kurdistanê û bi telîmatên taybet yên şexsê Cemîl Bayîk û li jêr serperiştîya Mezlûm Ebdî û Rêveberîya Xweser tev digere.
Hat ragihandin çeteyên Ciwanên Şoreşger berya 10 rojan keçeka din ya 15 salî bi navê Solîn Îbrahîm revandine û çarenûsa wê hêjan nediyare.
Dayîka Solîn jî bang li Mezlûm Ebdî dike ku dengê wê bibhîze û jêre bibe alîkar ku keça wê bê vegerandin.
Dayîka Solînê got:
“Em li Qamişloyê li Solîn digeriyan. Berya 10 rojan agahî ji me re hat ku solîn ji aliyê Ciwanên Şoreşger ve hatiye birin. Li ser agahiyan em bi sazî û pêkhateyên Qamişloyê re axivîn. Em çûn Hesekê jî lê kesek agahî neda me”.
Her wiha got: “Ez dixwazim heval Mezlûm Ebdî dengê min bibhîze û bi me re bibe alîkar”.
Li Rojavayê Kurdistanê tevî ku PYDê soz daye Neteweyên Yekbûyî û rêxistinên navdewletî ku zarokan çekdar neke, lê belê baskên leşkerî û Ciwanên Şoreşger yên girêdayî PKKê, hîn jî zarokên temen biçûk tevlî leşkerkirina bi zor dikin û wan dibin kampên leşkerkirinê yên li herêmên di bin kontirola xwe de.
