Parêzgariya Diyarbekirê ragihand ku ji ber daliqandina posterên endamên PKKê li hin kolan û cihan, çar kes ji aliyê yekîneyên ewlehiyê ve hatine binçavkirin.
Li gorî daxuyaniya nivîskî ya Walîtiya Diyarbekirê ku di 30ê Tebaxa 2026an de hate belavkirin, hewldanên binpêkirina ewlehiyê hatine astengkirin û lêpirsîna li ser bûyerê berdewam dike. Di daxuyaniyê de hate destnîşankirin ku têkoşîna li dijî sûc û terorê bi biryardarî dom dike.
Walîtiyê di daxuyaniya xwe de bal kişand ser van xalan:
“Daliqandina posterên endamên rêxistina terorîst li çend kolanan bûyerek tenê ye û belavî seranserê parêzgehê nebûye. Piştî tespîtkirina posteran li çend deveran, yekîneyên me yên ewlehiyê dest bi lêkolînê kirin û di encamê de 4 kesên ku ev kiryar meşandine hatin binçavkirin.”
Di berdewamiya daxuyaniyê de hate diyarkirin ku kiryarên neqanûnî yên ku armanc dikin aramiya civakê û pêvajoya ewlehiyê asteng bikin dê neyên tehemûlkirin û hemû hewldanên bi vî rengî dê di çarçoveya zagonan de bi biryardarî bibin bersiv.
Ev di demekê de ye ku rojane ji aliyê Ocalan û PKK’ê ve behsa entegrasyon û civaka demokratîk û ‘pêvajoya aştiyê’ tê kirin.
