Parlamentera DEM Partiyê Meral Daniş Beştaş ragihand ku di pêvajoya çareseriyê de xitimîneke berbiçav heye û banga avêtina gavên berbiçav û hiqûqî li hikûmeta Tirkiyeyê kir.
Meral Daniş Beştaş bi medyaya fermî a PKKê re axivî û rewşa dawî ya pêvajoya çareseriyê nirxand. Beştaşê bal kişand ser neavêtina gavên ji aliyê desthilatê ve û got: “Li gorî nêrîna min pirsgirêka bingehîn ew e ku îradeya siyasî naguhere gavên berbiçav û hiqûqî. Yasaya çarçoveyê û rapora komîteya Parlamentoyê heye lê di avakirina zemîna hiqûqî de derengxistineke cidî heye.”
Beştaşê da zanîn ku civak bersivên zelal li ser rewşa girtiyan, girtiyên nexweş û vegera li welat dixwaze û rexne li wê yekê girt ku pêvajo ji bo înîsiyatîfa burokrasiya ewlehiyê tê hiştin û Parlamento bêdesthilat tê hiştin.
Bi bîrxistina ku biryarên DMMEyê divê werin bicihanîn, Beştaşê got: “Pirsgirêka Kurdan ne tenê pirsgirêkeke ewlehiyê ye. Ev têkoşîna hebûnê ye, pirsgirêka nasnameyê, welatîbûna wekhev, perwerdeya bi zimanê dayikê û nûnertiya siyasî ye. Dema ku ev daxwaz bên paşguhkirin, mirov nikare behsa aştiyeke rasteqîn bike.”
