Pêşmergeyekê Rojhilata Kurdistanê, ev çend roje li bajarê Silêmaniyê wunda dibe, agahî li derbara çarenivîsa wî tuneye û çaverêya agahîyekê ji Asayîşa Silêmaniyê tê kirin.
Rêxistina Hengaw ya mafên mirovan eşkere kir, ji roja sêşemîya rabûrî 13/4/2021an, Pêşmergeyê Rojhilata Kurdistanê yê tevgera Komela Şoreşgera Zehmetkêşên Kurdistana Îranê yê bi navê Simko Benefşî ku temena wî 35 sale, li bajarê Silêmaniyê wunda bûye û agahî li derbara çarenivîsa wî tuneye.
Eşkere kir, Simko Benefşî li roja sêşemîya rabûrî bi erebeyeka partiyê nêzî sînorê Silêmaniyê bûye û ji wê rojê ve, wundaye.
Erebeya ku Simko pê derketî li heman rojên li nêzî penzînxana bi navê Sara hatîye dîtin, lê belê Simko bê ser û şûne.
Komela Şoreşgera Zehmetkêşên Kurdistana Îranê, tevî ku 4 roj li ser wunda bûna Simko derbasbûne, lê belê hêjan tu daxuyanî parvenekirine, endamkî vê partiyê eşkere kir, ew li benda zelalkirina rêveberîya Asayîşa Silêmaniyê ne ku agahîyekê bidin.
