Pêşmergehên Başûr nuqteyên xwe li devera berwarî bala çêkirin

04/05/2021
in Kurdistan
Pêşmergehên Başûr nuqteyên xwe li devera berwarî bala çêkirin

Pêşmergehên Başûrê Kurdistanê ji bo parastina sînor, îro hejmareke nuqteyan li devera Berwarî Bala çêkirin ku ev demek dirêj bû ji ber çekdarên PKKê nêzî wan naveçeyan nebibû.

Çavkaniyên pêgeha Darka Mazî li Başûrê Kurdistanê eşkere kir, îro roja sêşemî 4/5/2021an, hêzên Pêşmerge yên Başûrê Kurdistanê hejmareke nuqteyan li devera Berwarî Bala çêkirin.

 Navçeyên ku Pêşmergehan nuqteyên nû lê çêkirine evin:

  1. Rojavayê gundê Birîfka û Başûrê gundê Hirûrê.

  2. Rojhilata gundê Kêste ku cîhekê sitratejîke.

  3. Sînorê gundê Badokê ku dikeve pişta gundê Dişêşê.

  4. Dûryana gundê Edin û Sererû li Çelê Mayê.

  5. Hindava gundê Mayê û ji bakur ve li hindava Çema li Bêduhê.

  6. Xala Binaviyê li hindav Kanîka Mihemed Elî Binavî û nêzî Kêra Mûçikê.

Hêzên Pêşmergehên Başûrê Kurdistanê ev dema çendîn salane ji bo ku tu alozî li nêvbera wan û çekdarên PKKê de çênebin, nêzî wan navçeyan nebûne, îro jî ji boy parastina wan navçeyan û dûrketina şerê Tirkiyê û PKKê ji sînorê wan gundan, nuqteyên xwe li wan navçeyan cêgîr kirin.

Dewleta Tirkiyê li 23 meha rabûrî êrîşeka berfireh li ser PKKê li devera Berwarî Bala dest pê kirbû, çekdarên PKKê Zinara Kêste di demeke herî kêm de bi cî hişt û Tirkiyê baregeha xwe li wir ava kir.

Bi sedema liv û tevgerên PKKê li nêzî gund û sînorê bajarokan, ev der dewam dikevin ber bordomanan û zirar bi şêniyên gundan dikeve, şêniyên gundan di xwazn çekdarên PKKê xwe ji gundên wan dûr bikin ji bo ku gundên wan nebin meydana şer.

Hêjay gotinê ye, li van dû salên dawiyê, heger rêxistina PKKê şer bi Pêşmergehên Başûr nefiroştiba û rê bi Pêşmergehan daba li devera Berwarî Bala cîh bigrin, îro navçeyên weke Zinara Kêste ji hêla dewleta Tirkiyê ve nedhatin dagîr kirin.

Tags:

Pustên heman beş