Derew alavê sereke yê veşartina têkçûnên PKKê ye
Heftiya rabûrî Tevgera Azadî ya civakên Kurdistanê “baskê PKKê yê Silêmaniyê” kongireya xwe li darxist, êncam hevserok û desteya serkirdayetiya Tevgerê bi tevahî hatin guherandin, sedema sereke ya guherînê têkçûnên berdewam bûn.
Kongireya Tevgera Azadî li otêla Ramada ya li Silêmaniyê hat li darxistin, li gorî PKKê 700 heya 1000 endaman beşdarî kongireyê bûn, lê belê şandiyê Darka Mazî di nava hola kongirey de rastiya tiştê ku li wir çêbûyî belge kir.
Medyaya fermî ya PKKê ji bo ku rûyê serketinê bide vê kongireyê, ev dema çend rojan nûçe û nirxandinan ji boy kongireyê dike, mînak ajansa ANFê eşkere kir ku 700 endam beşdarî kongireyê bibûn, ji hêla xweve Sterk Tv yê go 1000 endam beşdar bûn!!.
Şandiyê Darka Mazî bo kongireyê eşkere kir, tişta ku PKKê derbarê beşdarbûyîna endaman ragihandî dereweke bi şaxe û destnîşan kir, bi tevahî dora 150 heya 200 kesan di hola kongireyê de bûn û bi vî awayî:
5 Kes ji Ewropayê bûn.
7 Kes ji Qendîlê.
30 Zarok û sinêle.
150 Endam ku kesên cur be cur bûne.
Yên mayî çi îşê wan li wir tune bû, lê belê PKKê ew dewe kirbûn ji boy xwarin û vexwarinê.
Rêxistna PKKê li rojên rabûrî civînek li Silêmaniyê ji boy nirxandina karên Tevgera Azadî li darxistbû û bi sedema têkçûnên berdewam yên Tevgerê, biryara kongireyê derxist bû, di kongireyê de hevserok û tevahî desteya birêvebir hatin ladan 16 kes li cîhê wan hatin destinîşan kirin.
Medyaya PKKê ku li ser derewan avabûye, bi nûçeyên xwe yên derbarê kongireya tevgera azadî îspat kir ku ew di hemû mijarekê de rastiyê nabêje û ji bo ku xwe girîng û leheng derxe, derewên bi şax parvedike, mînaka herî zelal nûçeyên rojane yên kuştina leşkerên Tirk ku dawî car go me 1528 leşker di 3 mehên rabûrî de li Herêma Kurdistanê kuştine û 50 helîkopter êxistine!! Eynî tişt ji bo ko rêxistin şikestina kongire û siyaseta xwe ya li Silêmaniyê bi peçine go 1000 endam beşdar bûne!!.
Ev derewa PKKê jî medyaya rêxistinê bi xwe eşkere kir, ji ber ku her saziyeke medyayî ya rêxistinê hejmara endaman weke xwe nivîsanidbû û dinêvbera her yek ji wan de ferqiya 200 heya 300 û 400 kesan dihat dîtin!!, Bi kurtasî çekê herî bi hêz yê PKKê ji bo peçinînan şikestinên xwe yên siyasî û eskerî derewe, ji ber vê jî rêvebrên rêxistinê qawîşa reş bi derewan wergirtine!!
