Nivêsîngeha aborî ya mîlîşyayên Heşda Şebî yên bi navê “Esaîb Ahl Al-Haq” li bajarê Kerkûkê dixwazin perçe erdekî sitratejîk ku dikeve ser rêya Kerkûk-Hewlêrê li ser navê xwe tapo bikin.
Li gor agahiyên taybet yên pêgeha Darka Mazî, nivêsîngeha aborî ya mîlîşyayên “Esaîb Ahl Al-Haq” li parêzgeha Kerkûkê, xebatên ciddî dikin ji boy vê yekê ku parçe erd ê bi hejmar 3/2 li beşa 40 a Kerkûkê bi dest xwe bixin û li ser navê xwe tapo bikin.
Li gor agahiyên taybet yên Darka Mazî, Mihemed Mewlewî yê berniyas bi Ebo Secad, alîkarê yekê yê birêveberê nivîsîngeha aborî ya Esaîb Ahl Al-Haq li parêzgeha Kerkûkê, li roja 16/7/2022an pêwendî bi Tariq Şeban Îbrahîm, birêveberê nivîsîngeha Esaîb Ahl Al-Haq li Pirdê kiriye ji boy birêvebirina vê mameleyê li Midûriyetên li pirdê.
Her wiha li gor agahiyên taybet yên pêgeha Darka Mazî, midûryeta çandinîyê û tapoyê li Pirdê, razîbûna xwe li ser vê yekê diyar kiriye, ji boy vê yekê jî tapoyeke nû a vê erdê li 18/7/2022an daye dest nûnerê mîlîşyayên Esaîb Ahl Al-Haq.
Heya niha ti kes nizane ev perçe erd ku ji 102 doneman pêk tê wê ji boy ti mebest ji aliyê vê hêza heşda şebî ve were bikar anîn.
