Li Kuçukçekmece ya Stenbolê di saloneke taştê de 2 kes rastî êrîşa çekdarî hatin û jiyana xwe ji dest dan.
Li salona taştê ya li taxa Kanarya ya Kuçukçekmece ya Stenbolê, du kesên bi navên Yusuf Aslan û Ebdula Okumuş, ji aliyê kesên nasnameya wan nediyar ve rastî êrîşa çekdarî hatin û giran birîndar bûn.
Li ser agahdar kirina hemwelatiyan polîs û tîmên tenduristiyê geheştin cîhê bûyerê û herdu birîndar rakirin nexwaşxaneyê. Lê li gel hemû hewldanan jî her du kesan jî jiyana xwe ji dest dan.
Derbarê bûyerê de polîs lêkolîn da destpê kirin û ji bo girtina kesên êrîşkar dest bi operasyonan kir.
