Li Diyarbekirê Panela bi navê “Ji Duh Heta Îro Kurd” hate lidarxistin. Di panelê de nivîskar Îsmaîl Beşikçi û Fuad Önen beşdar bûn. Axaftvanan amaje kirin ku divê Kurd ji dîroka xwe sûdê werbigirin û enerjiya xwe ji bo bidestxistina mafên xwe yên neteweyî xerc bikin.
Ji aliyê Ciwanên Neteweyî Yên Kurdistanê ve li Diyarbekirê panelek bi navê ji duh heta îro Kurd hat li darxistin. Di panelê mafnas Mursel Ekîcî wek moderator cih girt û axaftvanên panele jî Nivîskar û Civaknas Îsmaîl Beşikçi û Nivîskar û Siyasetmedar Fuad Önen bû. Axaftvanan derbarê xalên girîng ên dîroka Kurdan de amaje kirin ku divê kurd dîroka xwe baş bizanibin û divê Kurd li ser bingeha daxwaza serxwebûnê siyasetê bikin.
Siyasetmedar û nivîskar Fuad Önen ji K24ê re got: “Di şêwazên siyaseta kurdan heye; yek jê dixwaze pirsa kurd nava sînorên dewletên dagirker de were çareserkirin û daxwaza federasyon û otonomiyê tê kirin, ya din jî ku em wê diparêzin ew e ku daxwaza serxwebuna Kurdistanê ye.”
Di panelê behsa rewşa îroyîn a Kurdan jî hat kirin û bang hate kirin ku divê Kurd enerjiya xwe bi pirranî ji bo bidestxistina mafên xwe yên neteweyî xerc bikin û divê Kurd giraniyê bidin xebatên neteweyî.
Nivîskar û civaknas Îsmaîl Beşîkçî ji K24ê re got: “Kurdan bi tekoşîna xwe çend qedexeyên ser Kurd û Kurdistanê dan rakirin û ji salên 90î pê de xebatên baş hatin kirin. Di vê çarçoveyê de panelên wisa jî baş in ku divê civak û nifşên nu dîroka xwe baş bizanibin.”
Beşa dawî ya panelê de bo pirs û bersivan dem hate veqetandin û di pirs û bersivan de di hişmendiya neteweyî de girîngiya ziman hat nirxandin û banga xwedîlêderketina zimanê Kurdî hay kirin.
Di panelê de bal hate kêşan ku serjimêriya kurdan ji serjimêriya 23 welatên Yekîtiya Ewropayê zêdetir e hat xwestin ku di nava civaka Kurdan de hişmendiya neteweyî bilind bibe.
