Piştî daxuyaniyên Dewlet Baxçelî yên der barê Şêx Seîd de 3 endamên MHP’ê yên di Meclîsa Şaredariya Çewlikê de îstifa kirin.
Gotubêjan di derbarê Şêx Seîd de, piştî Şaredariya Bajarê Mezin a Diyarbekirê navê Şêx Seîd li rêyek sereke kir destpêkirin.
Serokê MHPê Baxçelî di derbarê Şêx Seîd de gelek gotinên nijadperestî gotin ê beûek di gotinên xwe de gotibê:
“Wesfkirin û bilêvkirina serokekî serhildanê wek leheng sebra me qut kir. ” Ev gotinên Baxçelî di nav hinek Kurdên di nava MHPê de bû sedema bertekî û wan jî li dijê MHPê helwesta xwe nîşan kirin. Endamên Meclîsa MHP’ê ya Şaredariya Çewlikê Ahmet Bukan, Ramazan Susadî û Mehmet Sayit Gunergok gotinên Bahçelî red kirin û ji endamtiya meclîsê û ji MHPê îstifa kirin. û gotin: “Şêx Seîd nirxê me ye”.
Endamê Meclîsa MHP’ê Ramazan Sûsadî yê îstifa kirî, di daxuyaniya xwe de dibêje ku, Şêx Seîd rêberekî olî ye û ew wî weke nirxekî qebûl dikin û diyar kir ku piştî van gotinên Bahçelî ti wateya mayîna wî di nava partiyê de nîne û ew ê weke endamekî meclîsê bi awayekî serbixwe erka xwe bidomînin.
Endamê MHP’ê yê din Ahmet Bukan jî anî ziman ku Şêx Seîd nirxeke û destnîşan kir ku gotinên Baxçelî nayên qebûlkirin.
MHP ku di Meclîsa Şaredariya Çewlikê de 6 endamên wê hebûn, piştî îstifa 3 endaman koma xwe winda kir.
