Rêxistina PKKê nasnameya fermandarekî xwe aşkere kir ku 4 salan berê li Başûrê Kurdistanê hatiye kuştin û ji nû ve mirina wî îlan kir.
HPGê baskê çekdarî yê PKKê nasnameya fermandarekî xwe yê canê xwe ji dest daye bi navê Yehya Doman û kodnavê Sebrî Bagok aşkere kir ku li kanûna paşîn ya sala 2020ê li Başûrê Kurdistanê ketiye ber êrîşên dewleta Tirk û hatiye kuştin.
PKKê mirina Yehya Doman 4 salan veşart û ji nû ve îro hatiye mirina wî îlan kiriye.
Li gorî daxuyaniyê Yahya Duman sala 1993yan tevlî PKKyê bûye û sala 1994an jî li Şama paytexta Sûriyeyê li ba Abdullah Ocalan maye.
HPGyê da zanîn ku Duman di navbera salên 1994-2000î de li herêmên Kerboran, Bagok û Gabarê yên Mêrdînê gerîlatî kiriye.
Hat diyarkirin ku Duman di navbera salên 2000-2011ê de li Qendîl û Zapê maye û endamê “hêzên taybet” ên PKKyê bûye.
Herwiha di daxuyaniyê de hat diyarkirin ku Duman di navbera salên 2011-2017an de “Fermandarê Herêma Bagokê” bûye.
Ajansa fermî ya Tirkiyeyê 25ê Sibata 2020an ragihandibû ku Yahya Dumanê bi nasnavê “Sebrî Torî” li Şingalê di êrişeke MÎT û artêşa Tirkiyeyê de canê xwe ji dest daye.
Di nûçeyê de hatibû diyarkirin ku Duman berpirsê PKKyê yê Mexmûr-Kerkûkê ye.
