Daxuyaniya çapemeniyê:
Li beramber êrişên komên terorîst ên îslamî li dijî gelê kurd bêdeng nebin!
Ji bo: Hemû hezkiriyên azadiyê, Hikûmeta Swêdê, Neteweyên Yekbûyî, Dewletên Yekbûyî yên Amerîkayê (DYA) û Parlamentoya Ewropayê.
Federasyona Komeleyên Kurdistanê li Swêdê, Komîteya Koordînasyona Siyasî ya Kurd li Swêdê û Navenda Dîaspora ya Kurdistanê li Swêdê banga rawestina li dijî êrişên komên terorîst ên Îslamî dikin.
Em bang li civaka navdewletî dikin ku derhal ji bo parastina mafên mirovan û rûbirûbûna binpêkirinên berdewam ên li dijî gelê Kurd li Rojavayê Kurdistanê (beşê Sûriyê) tevbigerin.
Gelê Kurd ji destê komên îslamî yên ku ji aliyê Amerîka ve wek terorîst hatine binavkirin û Tirkiyê welatê NATOyê Turkiye piştgiriya wan dike, ziyanên mezin dibîne; kuştina gelek sivîlan û koçberkirinên komî diqewimin. Em bang li hemû kesî dikin ku li dijî van komên devbixwîn ku aramî û ewlehiya herêmê tehdîd dikin bisekinin.
Armanca Tirkiyê eşkere ye: lawazkirina mafên kurdan bi koçberkirin, kuştin û zindankirina wan û guhertina
demografiya gelê kurd. Ev terorîstên îslamî û çeteyên kujer berdewamiya terorîstên ElQaîde ne, êrîşên xwe li ser herêmên Kurdan zêdetir kirine.
Şerê vê dawîyê yê herî dijwar bû ji dema ku komên Îslamî, bi pêşengîya Heyat Tehrîr el-Şam (HTS), ji nişkave êrîşeke dijwar destpê kir. Komên terorîst ên îslamî vê dawiyê bajarê Helebê bi dest xistine û balafirên şer ên Sûriyê û Rûsya bi dehan êriş li derdora Hemayê pêk anîne. Di vê navberê de, hêzên hikûmeta Sûriyê amadekariya êrîşeke dijber dikin.
Di vê rewşa krîtîk de, hevpeymaniya bi pêşengiya Kurdan, Hêzên Sûriyeya Demokratîk (HSD), hewl dide ku korîdoreke mirovî ava bike ji bo derxistina Kurdan ji Heleb û bajarê Til Rifat ber bi herêmên Kurdî yên xweser li bakur-rojhilat ve. Tel Rifat niha ji aliyê hêzeke bi piştgiriya Tirkiyê ve tê kontrolkirin û ev rewşê aloztir dike.
Ev komên ku rêbazên wan bi tundî, zordarî û hovîtiyê têne binavkirin, ne tenê kêmnetewên li herêmê, di heman demê de nirxên demokratîk ên ku li cîhana medenî diparêzin jî tehdîd dikin. Zêdeyî 10,000 kurdên sivîl, ku di nav wan de zarok, jin û kal û pîr hene, niha di revînê de ne.
Ji ber vê yekê em bang li civaka navneteweyî dikin ku pêşî li êrişên van komên terorîst ên Îslamî bigrin da ku ew di dîrokê de şahidiya qirkirineke nû ya li ser gelê Kurd ê sivîl e. Em hêvî dikin ku cîhan li hember van binpêkirinan kerr, kor û lal nebe, wekî ku dîrokê der barê êrişên kurdan de gelek caran nîşanî me daye.
Stockholm 4 Kanûn 2024
Federasyona Komeleyên Kurdistanê li Swêdê (FKKS)
Komîteya Hêzên Siyasî yên Kurdistanî li Swêdê (Hevkarî)
Navenda Diyaspora Kurd li Swêdê (KDC)
