Piştî rûxana rejîma Beşar Esed, gelê Sûriyê hêviya sibeheke baştir û vegera hemû revandiyan û girtiyan bo malbatên xwe bûn, lê kêfxweşiya gelê Sûriyê temam nebû, ji ber ku bi sed hezaran girtî û revandî di zindanan de mane ku çarenivîsa wan nediyare, û bi wan re hêviyên malbatên wan rawestiyane.
Di dema ku çarenivîsa bi dehan siyasetmedar, çalakvan û efserên kurdên nerazî di zindanên partiya Yekîtiya Demokrat (PYD’ê) de nediyare, û ji ber xema pêwîstiya yekxistina rêzên kurdî, da ku nekeve nava nakokiyeke ku dibe derfeta kurdan ji bo beşdarbûna di guhertinên siyasî de li Sûriyê winda bike, em banga xweya ji bo azadkirina kesên revandî û hemû girtiyên kurd di zûtirîn dem de, ji bo bidawîkirina rewşa zordariya siyasî ku li Kurdistana Sûriyê heye, û yekxistina helwêstên siyasî bi awayekî ku xizmeta doz û berjewendiya gelê kurd bike û di Sûriyeya pêşerojê de pêgeha kurdan xurt bike, dubare dikin.
Di heman demê de em Rêveberiya Hêzên Sûriyeya Demokratîk û Partiya Yekîtiya Demokratîk bi tevahî ji jiyana wan berpirsyar dibînin, em bang li welatên çalak li Sûriyeyê û rêxistinên Neteweyên Yekbûyî dikin ku zextê li hêzên Sûriyeya demokratîk bikin da ku çarenûsa van girtiyan eşkere bikin.
Ev lîsteya navên kesên hatine revandin e:
Behzad Dorson – Nîdal Osman – Cemîl Omer – Ehmed Sîdo – Idris Elû – Fuwad Îbrahîm – Emîr Hamid – Remezan Mehmûd Hacî.
Ji bilî 8 efserên kurdên revandî û sivîlên ligel wan de:
Tumgeneral Mihemed Xelîl Elî – Albay Mihemed Heysem – Albay Hesen Osû – Albay Mihemed Kileh Xeyrî – Albay Şewqî Osman – Kolonêl Behzad Naso – Serdar Husên Bekir – Kaptan Ednan Berazî – rêhevalê sivîl ji efseran re Raxib Mehmûd.
Malbatên kurdên ku ji aliyê PYD’ê ve hatine revandin
14 Berçileya 2024an
