Buroya Ragehandinê ya Partîya Welatparêzên Kurdistanê (PWK), cezaya ku li Serokê Komeleya Şopdarên Pêşengên Kurd Alî Çeven hatiye birîn şermezar dike.
Daxuyaniya Buroya Ragehandinê ya PWKê:
Serokê Komeleya Şopdarên Pêşengên Kurd Alî Çeven di roportajeke ku di kolanê de pê re hatibû kirin de gotibû “Ez ne Tirk im” û paşê bûbû hedefa êriş û tehdîdan.
Alî Çeven piştî wê roportajê bi hinceta “propagandaya rêxistina çekdar a terorê kiriye” hatibû girtin.
Doza Alî Çeven li Dadgeha 20emîn a Ceza ya Bingehîn a Buyukçekmeyê hat dîtin.
Tevî ku dozger daxwaza beraetê wî kir jî dadgehê daxwaza dozger ya beraetê red kir û 3 sal cezayê girtîgehê li Alî Çeven birî.
Cezaya ku li Alî Çeven hatîye birîn, berhema hişmendî û sîyaseta dijayetîya miletê Kurd e.
Em cezaya ku li Alî Çeven hatîye birîn şermezar dikin.
Divê ev doz û cezaya ku hatîye birîn ji hole rabe.
