Wezareta parastina netewî ya Tirkiyê îro ragehand, di hefteya dawîn de 24 çekdarên PKKê hatine kuştin, ev yêk di demekî de ye, hewlên serxistina pêvajoya aştiyê li Tirkiyê û Bakurê Kurdistanê didomin.
Wezareta parastina netewî ya Tirkiyê îro roja pêncşemî 13 Adara 2025ê ragehand, di operasyonên dijî terorê yên hefteya dawîn de, 24 çekdarên PKKê ketine ber êrîşên wan û hatine kuştin.
Her wiha destnîşan kir, bi vî awayî ji 1ê çileya îsal 2025ê ve li Rojava Kurdistanê 296 û li Başûrê Kurdistanê 206 bi tevahî 502 çekdarên PKKê-YPGê hatin kuştin.
Wezareta parastina netewî ya Tirkiyê li dawiya daxuyaniya xwe gotiye: “Heta ku terora dawî ya li ser welatê me nebe tehdîd wê têkoşîna me bênavber dewam bike”.
Tevî destpêkirina pêvajoya aştiyê ya li Tirkiyê û Bakurê kurdistanê, êrîşên dewleta Tirk yên li dijî PKKê hêjan jî dewam dikin.
