Li gor amarên Rewangeha Sûrî ya Mafên Mirovan di encama wan tundiyên li peravên Sûriyê de 1500 kes hatine kuştin, ku piraniya wan Elewî bûn.
Rewangeha Mafê Mirovan a Sûriyê (SOHR)ê ragehand: ‘’Ji 6ê Adarê ve hejmara sivîl ên li peravên Sûriyê her di bilind bûnê de ye, ku piştî êrîşên grûpên çekdar ên navxwe êrîşî hêzên ewlehiyê û yekîneyên Wezareta Berevaniyê pêkanîn ew bûyer dest pê kirin. Ew jî bû sedemê avabûna alozî û tundiyên berfireh ku heta niha 1500 kesan jiyana xwe ji dest dane.’’
Rewangeha Sûrî ya Mafê Mirovan, 2 komkujî di 14ê Adarê de li bajarên Lazqîye û Tertûsê bi belge kirine, ku di herdu komkujiyan de 24 kes hatine kuştin û piraniya wan jî Elewî ne.
Duh 14.03.2025ê Rêveberê Rewangeha Sûrî ya Mafê Mirovan Ramî Ebdulrehman ragehand, piştî belavkirina raport, amar û zanyariyan li ser komkujiyên peravên Sûriyê, gefa kuştinê li wî hatiye xwarin û diyar kir, hemû ew kesên li gel Rewangeha Sûrî ya Mafê Mirovan kar dikin jiyana wan di bin metirsiyê de ye.
