Berdevkê AKPê ragehand, ew li bendêne di mehên pêş me de PKKe û baskên wê yên li Sûrye û Îranê jî çekên xwe deyne û dibin mekanîzmaya ku ji hêla Tirkiyeyê ve hatî destnîşankirin.
Omer Çelîk duh roja çarşemiyê 4 Hezîrana 2025ê piştî civîna encumena serokatiya AKPê bi medyayê re axivî û got: Divê ev mijara danîna çekan û xwe-hilweşandina PKKê tenê di çarçoveya gotinan de nemîne.
Her wiha destnîşan kir, li mehên pêş me, emê di bicihkirin û radestkirina çekan de pêşveçûnek berbiçav bibînin.
Berdevkê AKPê dibêje: Pêvajoya danîna çekan dê di bin çavdêriya MÎTê û artêşê da be.
Her wiha aşkere kir, PKKe û baskên wê yên li Sûrye HSDê û li Îranê PJAK dê çekan deyne.
Derbarê HSDê Çelîk got: Divê ev HSDe were hilweşandin, endamên PKKê divê ji Sûryeyê derkevin û yên mayî jî divê bi artêşa Sûryeyê re werin yek kirin”.
