Babe Şêxê Êzidîyan hat dest nîşan kirin

14/11/2020
in Kurdistan

Gelê Êzidî li Başûrê Kurdistanê, îro û paş û çendîn rojên şêwirmendiyê li nêvbera xwe de, “Şêx Elî Şêx Îlyas” weke Baba Şêxê Êzidîyan dest nîşan kir.

Çavkaniyên pêgeha Darka Mazî li Başûrê Kurdistanê eşkere kir, îro roja şemî 14/11/2020an, gelê Êzidî biryar li ser ciyê Babe Şêx da û oldar “Şêx Elî Şêx Îlyas” weke Baba Şêx dest nîşan kir, ev biryara paş çendîn şêwir û nîqaşên li nêvbera gelê Êzidî de hatîye girtin.

Kesê ku dibe Babe Şêxê Êzidîyan pêwîste di ola Êzdiyatî de gelek şareza be û rola wî ya girîng di nava Êzidîyan de hebe, yek ji wan erkên sereke yên Baba Şêx ewe ku pêwîste di hemû merasîmên olî yên Êzidîyan de amade be.

Tê  zanîn Şêx Xirto Hacî Îsma’îl, Babe Şêxê berê ê Êzidîyan û raberî rohiyê Êzidîyan, li 1-10-2020 di temena 87 saliyê de be nexweşiyê koça dawiyê kirbû.

Şêx Elî Şêx Îlyas kî ye?

  • Di 5ê kanûna 1979an de li Şêxanê ji dayik bûye.

  • Ji malbateke olperwera Êzidî û di nav civaka Êzidîyan de perwerde bûye.

  • Zewicîye û bavê 4 zarokane

  • Bapîrê wî ji sala 1920an heta 1954an, bavê wî jî ji sala 1977an heta sala 1995an, Baba Şêxê Êzidîyan bûn

  • Ji zaroktîya xwe wî dev ji xwendina fermî berdaye, da ku xizmetên olî bike û ji temeneke zû hînî qewil û beytên olî bûye, şarezaya wî li ser hemû qewil û beytan heye.

  • Piştî wefata bavê xwe, çûye perestgeha Lalişê û bi awayekî berdewam xizmeta perestgehê kirîye.

  • Niha bi fermî yek ji qewlbêjên Êzidyane.

  • Li ser hemû merasîmên Êzidîyan gelek şarezaye.

  • Ji aliyê netewî ve, her dem banga ciwanên Êzidî kirîye ku rêz li ax û niştmana xwe bigrin.

  • Piştî komkujîya Êzidîyan, roleke wî ya berçav hebû di xizmetirkirina awareyan de.

Tags:

Pustên heman beş