Du leşkerên Tirk li Başûrê Kurdistanê hatin kuştin

Wezareta berevaniyê ya Tirkiyê îro ragihand ku du leşkerên wan li Başûrê Kurdistanê di teqîna bombeyeke PKKê de hatine kuştin.

Wezareta berevaniyê ya Tirkiyê îro roja yekşemyê 11/6/2023ê ragihand, di teqîna bombeyeke PKKê de du leşkerên wan birîndar ketin û piştre li nexweşxanê jiyana xwe ji dest dan.

Wezareta berevaniyê nasnameya leşkerên ku hatine kuştin wisa daye diyar kirin:

Pisporê pyade çawîş Xelîl Şahîn.

Çawîşê pyade Cem Ehmed Kaya.

Wezareta berevanîya Tirkiyê li Twitter a xwe wêneyên wan parvekirine û tenê gotî ye ku ew li herêma operasyona Pence Kilîtê hatine kuştin.

Artêşa Tirkiyê li dijî PKKê, operasyoneke bejahî û asmanî li nîsana sala 2022ê bi navê Pence Kilît li herêmên “Metîna, Zap û Avaşîn – Basyanê” destpêkirbû.