Komîta Bilind a Hilbijartinan û parêzgarê Hesekê ji bo amadekariyên hilbijartinan civiyan

Komîta Bilind a Hilbijartinan a Encûmena Gel û Parêzgarê Hesekê civînek pêk anîn û tê de amadekariyên teknîkî û îdarî yên girêdayî proseya hilbijartinan gotûbêj kirin. Ev civîn di çarçoveya amadekariyên berfireh ên ji bo serkeftina qonaxa bê ya hilbijartinan de hat lidarxistin.

Di vê çarçoveyê de, îro şandeke fermî ya Komîta Bilind a Hilbijartinan a Encûmena Gel seredana parêzgeha Hesekê kir. Armanca serdanê şopandina kar û xebatên li ser erdê û misogerkirina hevahengiyê di navbera saziyên peywendîdar de bû.

Şanda mêwan li gel Parêzgarê Hesekê û endamên Komîtên Şaxî yên bazneyên hilbijartinê yên Qamişlo û Hesekê civiya. Di civînê de Rêvebirê Rêveberiya Karûbarên Siyasî Ebas Hisên jî amade bû û li ser plansaziya parastin û birêvebirina sandoqên hilbijartinan rawestiyan.

Di dawiya rûniştinê de, hemû aliyan li ser dabînkirina mercên guncaw ji bo proseya hilbijartinan li hev kirin. Hat destnîşankirin ku hemû amadekariyên lojîstîk û qanûnî hatine nirxandin da ku welatî karibin bi awayekî azad û bê astengî dengên xwe bi kar bînin.