Îsraîlê li nêzîkî Şamê zeviyeke çandiniyê û avahiyek kirin hedef

Li gundewarê rojavayê paytexta Sûriyeyê rûdaneke nû ya leşkerî hat tomarkirin. Medyaya fermî ya dewleta Sûriyeyê (El-Îxbariye) ragihand ku leşkerên Îsraîlê xeta sînorî beziyane û li nêzîkî bajarokê Beyt Cinê ketine nav axa Sûriyeyê. Li gorî agahiyan, hêzên êrîşkar di nav zeviyeke çandiniyê de avahiyeke ku kes tê de nedijiya bi temamî teqandine.

Ev destwerdana nû di demekê de ye ku aloziyên sînorî gihîştine asteke bilind.

Di civîna dawî ya Neteweyên Yekbûyî de (23yê Îlonê), Serokkomarê Sûriyeyê Ehmed Şer bala cîhanê kişandibû ser van zextan û dabû zanîn ku Îsraîlê heta niha bi sedan êrîşên asmanî û topbaran encam dane, bi hezaran caran sînor derbas kiriye û bi dehan welatî jî girtine.