Tê çaverê kirin sibe roja yekşemî, Serokê hikûmeta Herêma Kurdistanê li gel tev firakisîyonên Kurdistanî ên parlemena Îraqê bicive.
Jibo gotubêja alozî û arêşeyên di nêvbera hikûmetên Herêma Kurdistanê û Iraq a federal de, sibe roja yekşemî, Mesrûr Barzanî, serokê hikûmeta herêma Kurdistanê û herweha Qubad Talebanî cêgirê serokê hikûmetê û şanda Herêmê jibo Bexdayê, wê li gel firakisîyonên Kurdistanî ên li parlemena Îraqê bicivin.
Zanyarî xoya dikin ku di civîna çaverê kirî de, babetên budce, darayî û herweha Neft û Xazê werin gotubêj kirin, herweha aloziyên di nêvbera Hewlêr û Bexdayê de.
Parlementerên tev frakisyonên Kurdistanî ên parlemena Îraqê, wê berhevî civîna sibe bin ku tê çaverê kirin li baregehê Encûmena wezîran li Hewlêra paytexta Herêma Kurdistanê were li darxistin.
