Nêçîrvan Barzanî Serokê herêma Kurdistanê û xanima Rêwaz Fayeq seroka parlemena Kurdistanê tekez li ser hemahengî û karê pêkveyî ya her sê serokayetiyên herêma Kurdistanê û encamdana civîna dewrî ya di navbera wan de kirin.
Îro yekşem 15/09/2019 Desteya Serokayetiya Parlemena Kurdistanê serdana Nêçîrvan Barzanî Serokê Herêma Kurdistanê kirin û li civînê da karê Parlemenî û girîngîdana bi wan yasayên pêgeha destûra Herêma Kurdistanê bihêz dikin, peywendiyên Hewlêr û Bexda û parastina mafên destûriyên Herêma Kurdistanê, hemahengiya di navbera Parlemena Kurdistanê û fraksiyonên Kurdistaniyên li Encumena Nûnerên Iraqê û girîngiya hemahengiya di navbera fraksiyonên Kurdistaniyan li Bexda, berdewamiya proseya çaksazî û aramî û berev pêşveçûna proseya siyasî li Herêma Kurdistanê guftûgo kirin.
Nivîsîna destûr bi awayek ku mafên tevahiya pêkhatên Herêma Kurdistanê zamin bike, mijareke girîngê civînê bû. Têda birêz Seroka Parlemena Kurdistanê daxwaz ji birêz Serokê Herêma Kurdistanê kir ji bo vê mebestê vexwendina aliyan bike û hewla serxistina projeya nivîsîna destûrê bide.
