Nêçîrvan Barzanî Serokê Herêma Kurdistanê tekez li ser xwesta Herêma Kurdistanê ya ji bo berev pêşvebirina zêdetirê peywendiyên li gel Hindistanê kir û amadehiya Herêma Kurdistanê ji bo pêşkêşkirina hemû hêsankariyeke li vî derbarî de nîşan da.
Serok Nêçîrvan Barzanî nîvroya îro sêşem 17/09/2019 li Hewlêrê li civîneke li gel birêz Vêrmavalî Moralî Deharan Wezîrê Dewleta Hindistanê ya ji bo Karubarê Derve û Parlemen û şandekî li gel da, bi kurtî di derbarê qonaxa derbasbûyî û niha ya navçeyê, rewşa destê karê Hîndî li Herêma Kurdistanê û peywendiyên Hewlêr û Bexda û hebûna jîngeh û yasaya baş ya ji bo veberhênerên biyanî li Herêma Kurdistanê pêşkêş kir.
Ji aliyê xwe ve birêz Deharan pîrozbahiya destbikarbûnê li Serok Nêçîrvan Barzanî kir û silavên rêzdar Serok û Serok Wezîrên Hindistanê gihand. Her wiha pêzanînên welatê xwe ji bo qurbanîdana gelê Kurdistanê li şerê dijî terorê û xwesta welatê wan ya ji bo berev pêşvebirina peywendiyên li gel Iraq û Herêma Kurdistanê dûpat kir.
Guftûgo kirina girîngiya hebûna geşta raste rast ya asmanî li navbera Herêma Kurdistan û Hindistanê, karê hevbeş ji bo ji navbirina terorê, diyarkirina warên karê hevbeş li kertên cûda cûda de, rewşa destê karê Hindî û hevkariya Herêma Kurdistanê ji bo wan, her wiha rêwresma perderakirina li ser peykerê Xandî li parka şehîd Samî Ebdulrehman li Hewlêr, aliyekî dinê civînê bû.
