Yekîneyên parastina Gel YPG’ê di çarçûveya hêzên Sûryaya demokratîk de, li 24 saetên derbasbûy, 11 caran bi moşekên tank şikên li arteşa Tirkiyê xist.
Wezareta parastina neteweyî a Tirkiyê, îro roja çarşemî 6/11/2019an beyaneke nivîskî weşand û têde eşkere kir, YPG’ê û HSD’ê ji duh roja sêşemî ve, 11 caran bi moşekên tank şikên li navçeyên Rojhilata Firatê ku wê bibin herêma ewlehiyê li hêzên wan xistine.
Wezareta parastina Tirkiyê, li ser hesaba xwe a twitterê ev daxuyanî weşand û li gor wê, wexta ku hêzên arteşa Tirkiyê dewreyên xwe li navçeyên herêma ewlehiyê di domandin, 11 caran rastî êrîşa HSD’ê û YPG’ê bûne.
Her wiha dest nîşan kir, êrîşa li ser hêzên wan bi moşekên tank şikên û gule topan bû, lê behsa tu zirareke canî nekir.
