Balefirên ceng yên arteşa Tirkiyê îro livînên Partiya Karkerên Kurdistanê PKK’ê li nêzî bajarokê Dînartê yê Herêma Başûrê Kurdistanê bordoman kirin.
Li gor çavkaniyên Darka Mazî, îro roja yekşemî 26/1/2020 ê balefirên ceng yên arteşa Tirkiyê çendîn caran li pey hev gundên Cem Şirtê, Siranî û Babulê yên girêday bajarokê Dînartê ser bi qezaya Akrê ve li Herêma Başûrê Kurdistanê bordoman kirin.
Çavkaniyan dest nîşan kirin, balefiran 6 caran bordoman kiriye, lê tu pêzanîn li ser hebûna zirarên canî di nava rêzên PKK’ê de nehatine.
Xelkê navçeyê ji bilî ku nerihetî û tiris ji sedema bordomanê li cem wan çêbûye, ew dixwazin PKK’e ji navçeyên wan dûr bikeve ji bo ku gundên wan nebine armanca balefirên Tirkiyê.
