Li Tirkiyê û Bakurê Kurdistanê di heyma rojekê de 21 kesan bi vîrusa koronayê canê xwe ji dest dan û 988 kes jî bi koronayê ketin.
Wezîrê Tendirustiya Tirkiyê Fahrettîn Koca, li ser hesabê xwe ya Twîtterê, dawîn amarên qurbanî û pêketina bi vîrusa koronaya nû COVID-19 aşkere kirin.
Li gor zanyariyên ku Fahrettîn Koca belav kirine, di maweyê 24 demjimêran de 21 kesan bi COVID-19ê canê xwe ji dest dan û 988 jî bi wê vîrusê ketin û 926 kes jî baş bûn.
Li gel dawîn amaran, hejmara pêketiyên koronayê li Tirkiyê û Bakurê Kurdistanê gihişt 167 hezar û 410 kesan û hejmara qurbaniyên koronayê jî gihişt 4 hezar û 630 kesan.
Li gor daxuyaniya Koca heta niha 131 hezar û 778 nexweşên koronayê piştî wergirtina çareseriya pizîşkî baş bûne.
Herwiha li Tirkiyê û Bakurê Kurdistanê 602 ji nexweşên COVID-19 jî li nexweşxaneyan di jêr çavdêriya hûr de ne.
