Herku diçe zirarên PKK’ê yên ji sedema êrîşên hewayî û bejahî yên dewleta dagîrkera Tirk pêtir dibe, îro li Bakurê wilat pevçûn derket, 2 Gerîla canê xwe ji dest da.
Çavkaniyên pêgeha “Darka Mazî” li Bakurê Kurdistanê eşkere kir, îro roja şemî 13/6/2020an, li dorberê Beytuşebaba navçeya Şirnexê, fermandarîya cendermeya bajêr, di çarçoveya operasyonên ewlehiyê yên navxweyî de li wê herêmê, bi piştevanîya hewayî operasyon pêkanîn.
Di operasyonê de, 2 Gerîlayên PKK’ê canî xwe ji dest da û gelek cebilxane û pêwîstiyên din dest bi ser de hat girtin.
Ji destpêka vê mehê ve, PKK’ê 25 Gerîla li Bakur û Başûrê wilat ji dest da ne, yek jê fermandarekî beriz bû, lê belê HPGe dibêje, tenê wan 4 Gerîla ji dest da ne, her wiha 12 leşkirên dewleta dagîrker kuştine.
