Ev nêzî hefteyekê ye keça rojavayî a bi navê “Dalya” di rojevê de ye, ev mijar li Başûrê wilat pir gure, medya PKK ê û şeydayên wan, cînayeta teslîm kirina Dalya têxin bal Hikûmeta Başûr bi teybet PDK ê, lê belê a rast Dalya xeterîyek pir mezin xist ser jiyana xwe û tenê ji bo yek armancê, ew jî ghîştin bi xweştiviyê xwe ê bi navê “Tolhildan”.
Agahiyên teslîm bûna “Dalya Mehmûd Muslim” a birazîya Salih Muslimê hevserokê berê ê Partiya Yekîtya Demokratîk PYD ê, li roja 15/7/2020an di medya Tirkiyê de belav bû û bi vî awayî:
“Paş xebatên îqna kirinê, keça bi navê Dalya ku dibe birazîya Salih Muslim li Mêrsînê teslîm bû”.
Piştre bi du rojan medya PKK ê weke çawa hertim dixwaze rojeva Başûr nerihet bike, bi derew daxweyanî ji zarê Salih Muslim û bavê Dalya weşandin, Hikûmeta Başûr û bi teybet Partiya Demokrat a Kurdistanê bi teslîm kirina Dalya weke cînayetkar dan nas kirin.
Wezareta karên navxwe a Hikûmeta Başûr duh roja duşemî 20/7/2020an, daxweyanî da û di bersiva medya PKK ê û şeydayên wê de, hinek rastî îfşa kirin, di daxweyaniyê de wiha hatibû nivîsandin:
“Dalya bi kêfa dilê xwe teslîm bûye, wê têklîyeke sozdariyê li gel şervanekî din bi navê “Selam Remezan” û kod navê Tolhildan girêdabû, wan bi hevre biryara teslîm bûnê girtîye”.
Derewa PKK ê pir dewam nekir
“Gereke medya PKK ê li ciyê weşandina derewan, vê pirsê ji xwe bike, çima xelk rêzên rêxistina we bi cî dihêle û amadene bi rêkên qaçax xeteriyê bixin ser jiyana xwe”.
Derewa medya PKK ê pir dewam nekir, birayê Dalya duh di pêwendîyekê têlefûnî de li gel kenalekî Başûr, her tişt îfşa kir û go ku wan tenê gotîye ku Dalya li Başûr jiyan dikir û red kir ku wan sûça teslîm bûnê bi Hikûmeta Başûr û PDK ê dabe.
Rastîya vê mijarê eve ku Dalya û Selam şer ji bo evîna xwe kirin, wan bi hevre rêzên YPG ê û YPJ ê bi cî hiştine ku evîn û sozdarî di nava vê rêxistinê de kareke heram kirî ye.
