Endamekî Encumena Niştimanî ya Kurd li Sûriyê (ENKS) ragihand, danûstandinên wan û TEV-DEM ê didomin, lê eger PKKê bihîşta niha ji mêj ve gihîştibûn rêkeftina dûmahîkê.
Endamê rêveberiya ENKS ê, Îmad Birho got, danûstandinên ENKS û TEV-DEMê bi çavdêriya Amerîka didomin. Bi texmîna min di demek nêzîk de dê rêkeftina dûmahîkê were kirin.
Îmad Birho her wiha got, di nav HSD ê de hinek kesên girêdayî PKKê hene nahêlin danûstandin pêşde biçin. Ji xwe eger wisa nebûya niha ji mêj ve em gihîştibûn rêkefitnê. Lê dîsa jî danûstandin didomin û pêşketin jî heye.
Bi gotina wî berpirsê ENKS ê, rêkeftina han dê di warên siyasî, serbazî û îdarî de be.
