Karên hildana gorê bi kom yê li Şengalê îro dest pê kir, tê pêşbînî kirin, rufatên 75 keç û jinên Êzidî ji wê gorê werin derxistin.
Çavkaniyên pêgeha Darka Mazî li Başûrê Kurdistanê eşkere kir, îro roja şemî 24/10/2020an, gorê bi kom yê qurbaniyên destê terora DAÎŞ ê li gundê Soraxê yê Şengalê, îro ji bal tîmeke hevbeş a hikûmetên Başûrê Kurdistanê û hikûmeta Bexdayê hat dest pê kirin, tê pêşbînî kirin, rufatên 75 keç û jinên Êzidî jê werin derxistin.
Qurbaniyên di vê gorê de, ku li gundê Soraxê ye, di êrişa terorîstên DAÎŞ ê de ya sala 2014 an bi kom hatine qetil kirin, îro jî merasîma hildana vê gorê dest pê kirine û 40 kesên bispor dê bi vê erkê rabin.
Bera niha bi 3 qunaxan 17 gorên bi kom li gundê Koco hatine hildan, 236 rufat têda bûn hemû ji bo pizîşkîya dad a Bexdayê hatine hinartin û heya niha radestî malbatên wan nehatine kirin.
