Êrîşa dewleta Tirkiyê a li ser Başûrê Kurdistanê berdewame û îro hereketa çekdarên PKK ê li sînorê navçeya Derkarê topbaran kir.
Çavkaniyên pêgeha Darka Mazî li Başûrê Kurdistanê eşkere kir, îro roja sêşemî 10/11/2020an, tophavêjên arteşa Tirkiyê ji sînorê Bakurê Kurdistanê, sînorê navçeya Derkarê a girêda qeza Zaxo topbaran kir, lê belê zirarên vê êrîşê nehatine zanîn.
Dest nîşan kir, mûşekên arteşa Tirkiyê bi navçeyên çiyayî ketine û domaneke mezin li ciyê ketina mûşekan berz bûye.
Di vê derbarê de, medya PKK ê ev nûçe wiha veguhastîye û gotîye ku bingehên PDK ê herêmên Gerîlayan topbaran kirine, ev jî xizmeteke mezine ku medya PKK ê ji bo dewleta Tirkiyê dike.
Li gorî agahiyên taybet yên pêgeha Darka Mazî, ji destpêka êrîşa dewleta Tirkiyê a li ser Başûrê Kurdistanê ku li naverasta meha xizîrana îsalê dest pê kirbû, 53 gundên girêday qeza Zaxo bi sedema PKK ê hatne çul kirin, 15 jê li sînorê nahya Derkarê ne.
