Rêxistina PKK ê 5 Gerîlayên din li çiyayê Gabarê ji dest dan, wexta eskerên Tirk di şkeftekê de bi ser wan de girt û her pênc hatin kuştin.
Di sala nû de, yekem derba ku bi rêxistina PKK ê ketî li Bakurê Kurdistanê bû ku di 24 sa’etên rabûrî de, arteşa Tirk operasyon li çiyayê Gabarê pêkanî û di encamê de, eskeran bi ser şkeftekê de girt ku 5 çekdarên PKK ê têde cî digirt.
Medya Tirkiyê eşkere kir ku eskerê Tirk, her pênc çekdarên ku di wê şkeftê de bûn, kuştine, lê belê PKK ê tu agahî li derbarê vê bûyerê nedane.
Di sala rabûrî de, rêxistina PKK ê bi sedan Gerîlayên xwe li Başûr û Bakurê Kurdistanê jidestdan, hemwext zirarên mezin bi eskerên Tirk jî ketine, lê belê her alîyek danpêdanê bi wan ziraran nade û hejmara kuştiyên xwe kêmtir ji ya rast radigihîne.
