Supayê Pasdaran a Îranê diyar kir, baregeheke moşekan a li bin erdê ya li qeraxên Kendavê ya li başûrê Îranê avakirine.
Li gor Fermandarê Giştî yê Supayê Pasdaran Husên Selamî di dema eşkerekirina baregeha moşekan de da zanîn: “Ramana me ev e ku em berevaniya yekparçebûna ax û serxwebûn û piştevaniya hêzên xwe li Îranê bikin.
Dijminên me hêza Îranê red dikin.”Husên Selamî destnîşan kir: “Ji bilî bihêzkirina şiyana berevanî û êrîşkarî û rêlibergirtina dijminan, ti bijardeyeke din a Îranê tune ye, da ku hejmûn û planên xwe bi ser me de nesepînin.” Herwiha eşkere kir: “Ev baregeh yek ji saziyên me ye ku moşekên dûravêj ên hêzên deryayî têde ne.”
Herwiha Selamî eşkere kir: “Baregeha moşekan çend kîlometre dirêj e û hejmareke mezin a hêzên me yên deryayî jî di vê binkeyê de hene. Moşekên wan jî di şerê qeraxên deryayî de moşekên herî pêşketî ne.”
Fermandarê Giştî yê Supayê Pasdaran diyar kir: “Şiyana hêzên me ya rûbirûbûna gefên dijminan heye, her dem ji bo berevaniya li hember êrîşkaran amade ne, ji bo berevaniya berjewendiyên ava Îranê ya li Kendavê.”
