Civîna nêvbera Barzanî û “Kesekê Hizbeka din” pêknahêt
Civîna ku bas lê dihat kirin wê li nêvbera Serok Mesûd Barzanî û Lahur Şêx Cengî pêk hêt, nayê encam dayîn, Parlimintereka berê a PDKê eşkere kir, ev “Kesê” ji bûyerên 16î Oktoberê berpirs, pêwîste daxwaza lêborînê ji gel Kurd bike, her wexta ev yêk pêkhat, li wê çaxê civîn wê asayî be.
Ev dema çend rojane, mijara pêkhatina civînekê li nêvbera Serok Barzanî û Lahur Şêx Cengî dihat kirin, ev yêk li sosiyal medyayê bi beferehî hat bas kirin, dihat gotin ku hinek kes navbeyinkariyê ji boy vê civînê dikin û Barzanî peyam ji boy Lahur şandine.
Îro roja şemî 13/3/2021an, Amîna Zikrî parlimentera PDKê a berê li Parlimena Kurdistanê daxuyanî li derbara vê civînê da û eşkere kir, civîna ku tê gotin wê li nêvbera Serko Barzanî û «Kesekê Hizbeka Din» pêk hêt, tu rastîyek ji bo nîne.
Ev jî daxuyanîya Amîna Zikrî ye ku li ropela xwe a Facebook ê parvekirîye:
Li derbara civîna cenabê Serko Barzanî:
Ev çend roje pir axaftin li ser mesela civîna cenabê Serko Barzanî û kesekê hizbeka din tê kirin, li destpêkê pêwîste bêjim ku cenabê Serko hemû demekê, hemû serdemekê heger zanîbe ku mijarek wê aştîya komelatî li pey be, wê seqamgîrîya siyasî dirust bike, tu demekê dû dil nebûye, heger ev yêk li ser hesaba qurbanîdana şexsê Serko û hizba wî jî be, mêjû li ser vê axaftinê şahide.
Li derbara babeta civînê ku hêjan babeteke gure, pêwîste em bipirsin gelo qey Serko Barzanî kêşeyên şexsî li gel kesekî hene? Gelo qey ewa li Kerkûkê û 16î Oktoberê hatîye encam dayîn li beranber Serko Barzanî bû yan jî li himberî hemû gelê Kurdistanê bû? Kî hebû li vî welatî dilê wî neşikest be, tu Kurdekî azar ji sedema 16î Oktoberê nedît.
Lewma kesekî ku ev kare encam dabe, bi daxwaza lêborînê ji hemû gelê Kurdistanê qerdare, heger ev yêk pêkhat li wê çaxê civîn û rûniştin wê asayî bin.
Amîna Zikrî
