Dije Terora Kurdistanê ji ser hesabê xwe yê tora medyaya civakî ji ser hesabê xwe yê Facebookê bersiva fermandeyekî koma Seyîdul Şuheda ya Heşda Şeibî, Ebû Ala El Welaî da û ragihand: ‘’Hûn ne nûnertiya Iraqê dikin û ne jî xwediyê statuyeke fermî ne, hûn terorîstên tirsonek in û li ser daxwzên axayên xwe welat wêran dikin.’’
Duhî fermandeyekî koma Seyîdul Şuheda ya Heşda Şeibî, Ebû Ala El Welaî êrişî Herêma Kurdistanê kiribû û gefa wê yekê xwaribû, dê nehêlin qanûna bûdceya Iraqê bi sûda Herêma Kurdistanê were pesendkirin.
Îro roja çarşemê 17.03.2021ê Dije Terora Kurdistanê bersiva Ebû Ala El Welaî da ragihand: Li ser daxwaza axayên xwe hûn welat wêran dikin û her roj li cihekî kiryarên terorîstî encam didin, hemwelatiyên sivîl dikin qurbanî û cihên giştî û firokexaneyên medenî mûşekbaran dikin û êrîşî hevpeymanan dikin.’’
Herwiha Dije Terora Kurdistanê aşkere jî kiriye we di 16ê Cotmehê de xwe beramber Serok Barzanî ceriand, lêbelê hûn şikestin û şermezarî ji we re ma.
