PKKe xelkê gundan weke mertal bo xwe bi kar tîne

Çekdarên PKKê ji bo ku xwe ji êrîşên dewleta Tirkiyê bi parêzin, liv û tevgerên xwe xistine nava gund û dorbera bajarokan, PKKe vê yekê dike ji bo ku şêniyên gundan ji boy wan bibin mertal.

Îro roja sêşemî 1/6/2021an, arteşa Tirkiyê aqarê gundê Hirûrê li devera Berwarî Bala li başûrê Kurdistanê topbaran kir, êrşê liv û tevgerên çekdarên PKKê kirin armanc, lê belê bi vê sedemê hemwilatîyekê gundê Hirûrê birîndar ketîye.

Çavkaniyên pêgeha me li Başûrê Kurdistanê eşkere kir, ev êrîş li saet 11:20 berî nîvrojê pêkhatîye û kesê ku birîndar ketî, bi navê Remezan Elî Ebdulrehman tê nas kirin û temena wî 55 salin.

Rêxistina PKKê ji paş dijwarbûna êrîşên Tirkiyê, liv û tevgerên çekdarên xwe xistine nava gundan, ji bo ku şêniyên gundan ji bo wan bibin mertal û nekevin ber êrîşan, bi vê sedemê ji sala rabûrî pêtirî 20 sivîl ku tev şêniyên gundên Başûrê welatin, şehîd û birîndar ketine.