PKKê 5 Pêşmerge li çiyayê Metîna şehîd kirin

Çekdarên PKKê îro serê sibê li sînorê Amêdiyê êrîşa hêzeke Pêşmergehan kir, 5 Pêşmerge şehîd û 4 jî birîndar hene.

Çavkaniyên pêgeha Darka Mazî li Başûrê Kurdistanê eşkere kir, îro roja şemî 5/6/2021an, hêzeke Pêşmergehan li sînorê Amêdiyê ket ber êrîşa çekdarên PKKê, 5 Pêşmerge şehîd ketine û 4 jî birîndar bûne.

Dest nîşan kir, cihê ku PKKê êrîşa Pêşmergehan kirî, bi Kampa Iniglîzan tê nas kirin û dikeve çiyayê Metînayê, PKKê li wir kemîn ji li ber Pêşmergehan dana bû.

Çavkaniyên me eşkere kir, çekdarên PKKê bi mûşeka ji corê Kornêt êrîşa Pêşmergehan kir, piştre û di hewla berevanî kirinê de, teqe çêbûye û çekdarên PKKê yên ku êrîşa Pêşmergehan kirî ku hejmara wan 3 bûn, hatine kuştin.

Hêjay gotinê ye Pêşmergehên birîndar li qezaya Amêdiyê çareseriya destpêkê bo wan hatiye kirin û piştre ji bo nexweşxaneyên Dihokê hatine veguhestin.

Navên şehîdan wusane:

1. Hejar Subhî Zikrî – Akreyî

2. Qaid Reşo Ismaîl – Kelekê

3. Ezwer Ebdulrehman – Hewlêrê

4. Îmad Merûf Mihemed – Berê Gare

5. Karwan Tewfîq Teha