Rêxistina PKKê bac li ser cotkar û xwediyên pez li Sîdekanê feriz kirîye, birêvebrê nahiya Sîdekanê jî dibêje: tevî ku bacê ji cotkaran distînin, mayînan jî li ser rêkên giştî diçînin.
Êhsan Çelebî, birêvebirê nahiya Sîdekanê li derbara tewan û cînayetên rêxistina PKKê li sînorê Sîdekanê daxuyanî da û got ku çekdarên rêxistinê ev demeke bacê ji cotkaran, hinek şênî û kesên ku pez xwedî dikin, distînît.
Her wiha dest nîşan kir, tevî stendina bacê, çekdarên PKKê mayînan jî li ser rêkên gundan û rêkên giştî diçînin û ev yêk bûye xeterîyek ku gelê Sîdekanê rojane jiyan dike.
Li gorî agahiyên nahiya Sîdekanê, bi sedema şer û pevçûnên PKKê heya niha ji sercema 264 gundên Sîdekanê, 118 gund vala mane û şêniyên wan koçber bûne.
