Partîya Azadîya Kurdistanê derbarê êrîşa şeva borî ya li ser Firokxaneya Navdewletî ya Hewlêrê de peyamek belav kir.
Di peyama PAKê de wiha hat gotin:
“Şeva 06.07.2021ê di seet:11.30ê de, bi rêya dronan êrişek li ser Firokexaneya Navdewletî ya Hewlêrê çê bû.
Hêza Dijî Terorê ya Herêma Kurdistanê diyar kir ku di encama êrişê de, ziyanên canî û madî çê nebûne.
Eve çend carin hêzên terorî yên li dijî azadî, destkeftin û pêşkevtinên li Başûrê Kurdistanê, bi êrîşên hovane bêtehamûlîyâ xwe li himber gelê Kurdistanê didin der. Ev êrîşên terorî nîşana dilreşîya hêzên dijminên gelê Kurdistanê ye.
Tu şika me jê tuneye , çawa ku qetlîam û jeosîdên wek Enfal, Helebçe û yên din nikarîbûn rê li ber destkeftinên federe yên Herêma Kurdistanê bigire; ev êrîşan terorî jî dê nikaribin rê li ber pêşkeftin, destkeftin , azadî û serxwebûna Kurdistanê bigirin. Gelê Başûrê Kurdistanê bi lêxwedîderketina destkeftîyên xwe, bi hevgirtin û yekitîya neteweyî, niştimanî dê van êrîşên dijminane jî pûç derxîne.
Em êrîşa li ser Firokexaneya Navdewletî ya Hewlêrê hatîye kirin û hemû hêzên li pişt vê êrîşê rûreş dikin”.
