Serokê Herêma Kurdistanê û Seroka Parlementoya Kurdistanê diçin Îranê

Serokê Herêma Kurdistanê û Seroka Parlementoya Kurdistanê diçin Îranê

Rayedarên payebilind ên Herêma Kurdistanê beşdarî merasîma destbikarkirina Serokê nû yê Komara Îslamî ya Îranê Îbrahîm Reîsî dibin.

Biryar e roja pêncşemê, Serokê Herêma Kurdistanê Nêçîrvan Barzanî bi mebesta beşdarbûna merasîma destbikarbûna serkomarê nû yê Îranê Îbrahîm Reîsî, biçe Tehranê.

Herwiha çavkaniyek ji Parlamantoya Kurdistanê ji K24ê re ragihand; biryar e roja çarşemê 4ê Tebaxa 2021ê, Seroka Parlamentoya Kurdistanê Rêwas Fayeq biçe Tehranê, da ku beşdarî merasîmê bibe.

Di asta hikûmetê de jî, Wezîrê Ewqaf û Karûbarên Olî Piştîwan Sadiq, Wezîrê Rewşenbîrî Hemeyê Heme Seîd, Wezîra Kar û Karûbarên Civakî Kiwêstan Mihemed, ku nûnertiya aliyên beşdarbûyên kabîneya nehem a Hikûmeta Herêma Kurdistanê dikin, beşdarî merasîmê dibin.

Herwiha Serokê Dîwana Serokatiya Herêma Kurdistanê Fewzî Herîrî jî beşdar dibe.

Biryar e sibe Îbrahîm Reîsî sonda yasayî bixwe û êvara roja pêncşema dawiya vê hefteyê di merasîmekê de bi fermî weke serkomarê nû yê Komara Îslamî ya Îranê dest bi kar bibe.

Pustên heman beş