Navê mizgefta ‘Kurtler Camîî’ guhertin û kirin ‘Turkler Camîî’

Parêzgariya Hatayê, li bajarê Kîlîsê navê mizgefta ‘Kurtler Camîî’ piştî restorasyonê guhert û kir ‘Turkler Camîî’.

Parêzgariya Hatayê bi daxuyaniyekê destnîşan kir, ji ber piştî restorasyonê pir hatiye guhertin û tiştekî têkildarî berê nemaye, navê wê kirine ‘Mizgefta Tirkan’.

Wezareta Turîzm û Çandê, li bajarê Kîlîsê mizgefta bi navê ‘Kurtler Camîî’ ya di sedsala 17emîn de, ji aliyê Huseyîn Axa yê Kurd ve hatibû avakirin, di sala 2018an de navê wê guhert û navê ‘Turkler Camii’ lê danî. Mizgeft di sala 2018an de bi erêkirina Midûriyeta Giştî ya Vakifan navê wê hat guhertin û kirin ‘Turkler Camii’. Mizgefta ku berê tabelaya ‘Kurtler Camîî’ li ser hatibû hiştin, niha bi temamî tabela rakirin û tenê tabeleya ‘Turkler Camîî’ hiştin.

Parêzgariya Hatayê di malpera înternetê de eşkere kir, piştî restorasyonê ji ber pir hatiye guhertin tiştekî têkildarî berê nemaye. Walîtiyê diyar kir ku ji ber restorasyonê navê wê wekî ‘Turkler Camii’ hatiye guhertin.