2 hemwilatiyên Şêladizê di topbarana Tirkiyê de birîndar bûn
Topxaneya artêşa Tirkiyê, îro liv û tevgerên çekdarên rêxistina PKKê li gundên dorbera Şêladizê topbaran kirin, di encamê da, 2 hewilatiyên sivîl birîndar bûn.
Çavkaniyên pêgeha “Darka Mazî” li Başûrê Kurdistanê eşkere kir, îro roja pêncşemê 2/9/2021an, topxaneya artêşa Tirkiyê a dagîrker, nuqte û liv û tevgerên çekdarên PKKê li aqarê gundê “Sîdan” yê girêdayî navçeya Şêladizê li devera Nêrwe û Rêkan topbaran kir, di encamê da, du hemwilatî birîndar kirin.
Dest nîşan kir, ev êrîş li sa’et 2:00 Paş nîvrojê pêkhatîye û kesên ku birîndar bûne navên wan wusaye:
Hecî Ebdulla yê temen 55 sal û ji gundê Sîte yê hoza Rêkanîyan.
Sabir Umer yê temen 45 sal ji gundê site yê hoza Rêkanîyan.
Çekdarên rêxistina PKKê ev demek dirêje ji bo ku xwe ji êrîşên Tirkiyê biparêzin, ketine nava gund û dorbera bajarokan û hemwilatîyan weke mertal bi kar tînin, bi vê sedemê berdewam zirarên canî û birîndar di nava gelê sivîl da tên tomar kirin.
