Tirkiyê 8 Kurdên Rojhilat teslîmî El Nusra kirin

Hikûmeta Tirkiyê hejmareke penaberên Rojhilata Kurdistanê ku di xwestin derbasî Ewropayê bibin, desteser kirine û piştire dane destê çekdarên girûpa bi navê bereya Nusre yê li Sûriyê.

Çend roj berê Tirkiyê komek penaberên kurd yên xelkê Herêma Kurdistanê, ku hejmara wan 54 kes bûn û dixwastin ji Tirkiyê re derbasî Ewropa bibin, girtibûn û teslîmî çekdarên tendrew yên Sûriyê kiribûn.

Ew penaberên han bi hewlên hikûmeta Kurdistanê hatin azadkirin û gihîştin nav malbatên xwe.

Lê li gorî agahiyan, di nav wan penaberên Başûrî de 8 penaberên Rojhilatî jî hebûne ku heta niha li Sûriyê ne û tê gotin ku di destê çekdarên El Nusra de ne.

Ew penaberên han xelkê bajarê Pawe li parêzgeha Sine yê Rojhilatê Kurdistanê ne.

Nav û nîşanên wan ev in:

1. Demawend Paksirişt

2. Mubîn Weledbêgî

3. Efşar Rostemî

4. Behmen Şadrewan

5. Mesûd Heyderî

6. Seîd Ehmedî

7. Ferdîn Derwîşpûr

8. Hîdayet Roxzadî