Di teqîna mayînekê de ku rêxistina PKKê duh li ber rêya Pêşmergehan li sînorê Dînartê danabû, du efserên Pêşmergehan şehîd ketin, parêzgarê Dihokê li derbara bûyerê axuvî û go: “Cihê daxê ye Pêşmerge ji hêla dijimnekî ji dayîk û bab Kurd ve, werin şehîd xistin”.

Efserên Pêşmergehan “Hemdî Cabir û Îsmaîl Osman” duh roja çarşemê 15/9/2021ê di kiryara terorîstî a PKKê de, li sînorê navçeya Dînartê a Başûrê Kurdistanê şehîd ketin, îro ew di merasîmekê de li goristana Şaxkê ya Dihokê, bi axê hatin sipartin.

Dr.Elî Teter parêzgarî Dihokê, li derbara bûyerê ji boy nûçegihanê Rûdaw axivî û go: “Cihê daxê ye îro bibînîn Pêşmergehên Kurdistanê bi destê dijminên gelê Kurdistanê werin şehîd xistin, ji hêla hinek kesan ku ji dayîk û babekî Kurd jî ji dayîk bûne”.

Rêxistina PKKê di 10 mehên rabûrî de, 11 caran TNT û mayîn li ber rêya Pêşmergehan danane, piranî jê ji hêla Pêşmergehan ve hatine ji nav birin, lê belê li meha adara îsalê TNT yeke din a PKKê li sînorê Sîdekanê bi erebeya Pêşmergehan ve teqiya û Pêşmergehek bi navê “Tariq Qadir” şehîd ket û her wiha Pêşmergeyê bi navê “Mizefer Ferhad” birîndar ketbû.

PKKê ji meha 10 a sala 2020an 12 Pêşmerge şehîd xistine

Ev ne cara yekemîne, rêxistina PKKê kiryarên bi terzê terorê li dijî Pêşmergehên Başûrê welat encam dide, li sala rabûrî jî bi mayîn û TNT yan li Çemankê êrîşî hêza Pêşmergehan kir, hemwext li Amêdiyê û Sihêla.

Hêjay bibîr anînê ye, hikûmeta Başûrê Kurdistanê, ji dema ketina rejîma Sedam Hisên, dewam hewla paqijkirina dol û çiyayên Kurdistanê ji maynan dike ku li wexta xwe rejîma dîktator li ber Pêşmegehan di danan, lê belê rêxistina PKKê ji nû ve hatîye rêbaza Sedam girtîye û rêya Pêşmergehan TNT dike.

Rêxistina PKKê ku ji boy her çar perçeyên welat bûye bela û ser êş, ji meha 10 a sala 2020an, 13 caran êrîşa Pêşmergehan kirîye, her wiha di vê demê de, 12 Pêşmerge şehîd xistine.