Li Rojavayê Kurdistanê dema çend rojane asayîşa PYDê bi zorê wilatiyên Kurd ên li gundên ser sînorê Başûrê Kurdistanê dertêxe kolanan û wan neçar dikin li dijî vegera pêşmerge û Peymana Şingalê siloganan bavêjin.
Çavkaniyên pêgeha Darka Mazî li Rojavayê Kurdistanê eşkere kir, ji 5/10/2021an heya îro, rojane asayîşa PYDê xelkê gundewarên ser sînor dertêxin kolanan û wan neçar dikin sloganên neciwan li dijî Pêşmerge û Hikûmeta Herêmê pavêjin.
Her wiha diyar kir, dawî car asayîşa PYDê xelkê gundên sînorî bi darê zorê li alê deriyê Sêmalka yê sînorî kom kirin û silogan li dijî Hikûmeta Başûrê Kurdistanê bi wan dan gotin.
PYDe dixwaze van çalakiyan bide pal Encûmena Malbatên Şehîdan lê belê di esas de PYDe bi xwe û bi fermana Qendîlê ye ku vê karê dike.
Çavkaniyên Darka Mazî li Rojavayê Kurdistanê her wiha eşkere kir, asayîşa PYDê bi xelkê radigihîne ku pêşmerge çeteyên Tirkiyê ne û li gor polotikayên Tirkiyê tev digerin, lê jiberku gelê kurd pêşmerge baş nas dike û dizane pêşmerge ji boy azadiya Kurdistanê dixebite dernakevin kolanan, loma PYDe bi givaş û tehdîdkirin û fêlbaziyan wan neçar dike derkevin kolanan û xwepêşandana saz bikin.
Yek ji şêniyên gundên sînorî yên Rojavayê Kurdistanê ragihand, em ji desthilata PYDê bawer nakin lê belê ji boy parastina jiyana xwe û zaroyên xwe ji zor û sitema çekdarên asayîşa PYDê em neçar dimînin derkevin kolana, tevî ku hejmara me ne ewqas zêde ne lê yên diçin jî ji neçarî û jiber gefên çekdarên PYDê dicin û siloganan li dijî pêşmerge bilind dikin.
