“Darka Mazî” navên kadiroyên PKKê yên êrîşê baregehên ENKSê kirî eşkere dike

Êrîşên rêxistina “Ciwanên Şoreşger” a girêday PKKê, li dijî partiyên Kurdistanî li Rojava welat dewam dikin, pêgeha “Darka Mazî” navê endamên vê rêxistinê eşkere dike yên ku dawî car êrîş birin ser baregeha ENKSê li Derbasiyê.

Rêxistina “Ciwanên Şoreşger” ya ku raste rast ji hêla Cemîl Bayîk tê birêvebirin, li roja 17 dîsambera sala rabûrî 2021ê êrîşê baregeha Encûmena Nîştîmanî ya Kurdî li Sûryê ENKSê li bajarê Derbasiyê yê girêdayî Hesekê kir.

Pêgeha “Darka Mazî” ji çavkaniyên xwe yên taybet li Rojava Kurdistanê hîn bû ku ev êrîşa rêxistina “Ciwanên Şoreşger” tam bi telîmat û fermana Qendîlê Encam dayî ye û navê endamên vê rêxistinê yên ku êrîş encam dane bi dest xistin.

Navê endamên “Ciwanên Şoreşger” yên ku êrîşê baregeha ENKSê li Derbasiyê kirine evin:

Ev dema sê salane bûyerên nexweş li Rojava Kurdistanê çêdibn, baregehên partiyên Kurdistanî tên şewtandin, siyasetvan tên tehdîd kirin, bi dehan caran baregehên ENKSê li Amûdê û Dirbêsiyê, Kobanê û Qamişlo, Hesekê her wiha baregehên PDK-Sê rastî êrîşan tên, ya ku van êrîşan encam dide, rêxistina “Ciwanên Şoreşgere”, ev rêxistin bi fermana Qendîlê van êrîşan pêk tîne û li ber çavên rêveberîya xweser û ceneral Şahîn Cîlo ev tewan tên encam dayîn.

Armanca PKKê û baskê wê yê Rojava PYDê ji van êrîşan, xerab kirina danustendinên Kurdî – Kurdî ye li Rojava Kurdistanê.