Tirkiyê li şeva derbasbûyî gundê Hirorê li nahya Kanî Masê ser bi parêzgeha Dihokê ve topbaran kir, guletopek bi mala welatîyekî ketîye.
Artêşa Tirkiyê li şeva derbasbûyî liv û tevgera çekdarên PKKê li gundê Hirorê grêdayî nahya Kanî Masê kirin armanc û di encamê de, gule topek bi mala welatîyekî gund ketîye û zirarên mezin bi malê ketine.
Li gorî kenala Kurdistan24ê, gule topek bi mala welatiyê bi navê Emîn Hirorî ketîye, lê belê çi zirarên giyanî nebûne û tenê zirar bi malê ketine.
Rêxistina PKKê ji bo ku çekdarên xwe ji êrîşên Tirkiyê biparêze, liv û tevgera çekdarên xwe xistine nava gund û dorbera bajarokan û bi vê sedemê ev gund dewam dikevin ber êrîşan û zirar bi şêniyên wan dikevin.
Dema salekê ye operasyona Tirkiyê li sînorê nahya Kanî Masê destpê kirîye û di encamê de heya niha 5 gund hatine valakirin û welatiyek şehîd bûye û 5 welatiyên din jî birîndar bûne.
