Dewleta Tirk îro amarên meha tîrmehê yên zirarên canî yên PKKê îlan kirin û li gorî wê, 68 Gerîla hatine kuştin.
Berdevkê wezareta karên navxwe ya Tirkiyê, Islam Çataklî îro roja çarşemî 3/8/2022ê eşkere kir, di meha tîrmeha sala 2022 ê de, artêşa Tirkiyê li nav û dervey welat 68 çekdarên rêxistina PKKê kuştine.
Her wiha destnîşan kir, ji sercema van çekdaran, 7 jê fermandar bûne.
Di vê derbarê de navenda çapemenî û raghandinê ya HPGê her roj bê navbir daxuyaniyan dide û dibêje me ewqas esker kuştine.
Di daxuyaniyên çapemeniyê yên HPGê de ku di meha tîrmehê de hatine parvekirin, herî kêm 200 esker hatine kuştin.
Her yêk ji rêxistina PKKê û artêşa Tirkiyê her li navbera çend rojan amara şerê xwe yê saxte eşkere dikin û her yêk dibêje me ewqas kuştine, lê belê herdu alî rast nabêjin û tenê yê ku zirarê ji vî şerî dibîne gelê Herêma kurdistanê ye.
